एन्ड्रोइड स्मार्टफोन
प्रयोगको सबैभन्दा उत्कृष्ट पक्ष त्यसमा आफू अनुकूल प्रयोग गर्न सकिने एप्सहरु हुन ।
परम्परागत फोनहरुमा विल्ट इन एप (फोनमा पहिल्यै हुने) प्रयोग गर्नुपर्ने बाध्यता रहँदै आएको थियो जुन
स्मार्टफोनको आगमनसँगै त्यो बाध्यताबाट प्रयोगकर्ताहरुले छुटकारा पाएका छन ।
प्रयोगकर्ताले
आफ्नो आवश्यकता अनुसारको एप्सहरु स्मार्टफोनमा डाउनलोड गरेर प्रयोग गर्न सक्छन, यी धेरै जसो फ्री छन् केहि विषेश महत्व र सुविधाका लागि पैसा तिर्नुपर्छ, र जुनसुकै बेला
त्यसलाई हटाउन पनि सकिन्छ । प्रयोगकर्ताको दैनिक जीवनमा प्रयोग हुने सहयोगी एप
हो टु–डु एप । आफ्नो दैनिकि व्यवस्थापन गर्न र धेरै भन्दा धेरै कामहरु याद गर्नको लागी यस्ता एपहरुको प्रयोग गरिन्छ । आज हामी केहि यस्तै चर्चित एपहरुको बारेमा बताउन गइरहेका छौँ ।
ईभरनोट ः(Evernote)
यो एप टु डु लिस्ट क्षेत्रमा परिचित नाम हो । गुगल प्ले स्टोरमा उपलब्ध यो फ्री भएता पनि यसको तिनवटा भर्जन रहेको छ । फ्री जुन डाउनलोड गरिसकेपछी त्यसैलाइ प्लस र प्रिमियम नाम दिइएर मासिक प्लसको लागि $2.92 प्रिमियमको लागि $5.83 तिर्नुपर्दछ ।
फिचर्सहरु पनि त्यसै अनुसार दिइएको छ । बेसिकमा एउटै एकाउन्ट दुइवटा सम्म डिभाइसमा प्रयोग गर्न सकिन्छ, मासिक ६० एमबि नोट अपलोड गर्न सकिन्छ, नोटमा फोटो आदि राख्न मिल्छ भने प्लसमा मासिक १ जिबी नोट अपलोड गर्न सकिन्छ भने प्रिमियममा एक महिनामा १० जिबि भन्दा बढी नोट राख्न सकिन्छ । यो एपलाइ जीमेल एकाउन्टसँग लग इन गर्यो भने जुनसुकै फोन वा कम्प्युटरमा बसेर आफ्नो एकाउन्टद्धारा तपाइ नोट पढ्न सक्नुहुन्छ ।
एनी डट डू (Any.do)
एनी
डट डू एक लोकप्रिय टू डू लिस्ट एप हो । कुनै टाक्स, सब–टास्क वा नोटहरु एड गर्न र त्यसबारे तपाइलाई जानकारी दिने
काम गर्दछ । यसका अलावा यसमा क्लाउड सिङ्कीङ्ग समेत गर्न सकिन्द्ध जसको मद्दतले
आफ्नो टास्कका बारेमा विभिन्न डिभाइसहरु जस्तै डेक्सटप, ल्यापटप,
ट्यावलेट र इन्टरनेट मार्फत
एक्सीस गर्न सकिनेछ । यो एप प्ले स्टोरमा १० मिलियन भन्दा बढी डाउनलोड भएको यस एपलाइ युजर्सले ४.५ रेटिङ गरेका छन् ।
यसको
इन्टर्फस आकर्षक हुनुका साथै यसमा विल्ट–इन कल क्यालेन्डर सपोर्टको फिचर समेत समावेश
गरिएको छ । यस एप प्रयोग गर्नाले प्रयोगकर्ताले टु डू एपको साथसाथै कल
क्यालेण्डरको दोहोरो फाइदा उठाउन सक्नेछन । सरल एवम शक्तिशाली मानिएको यस एप
निशुल्क समेत रहेको छ । टू डू लिस्ट एप मध्येको एक उत्कृष्ट एप एनी डट डू गुगल
प्ले स्टोरबाट डाउनलोड गर्न सकिन्छ ।
गुगल किप (Google keep)
गुगल
किप गुगलले बनाएको प्रमुखत एक नोट किपिङ्ग एप हो । यसका अलावा यसमा रिमाइन्डर फिचर समेत समावेश
गरिएको छ जुन तपाइको आफ्नो लोकेशनमा आधारित भएर चल्छ । साथसाथै यसमा तपाइले
गर्नुपर्ने कुनै कामको लिस्ट एउट निश्चित समय सिमा राखेर समेत राख्न सक्नु हुनेछ
जसका कारण त्यस अवधिमा यसले तपाइलाई आवाज दिएर सम्झाउने गर्दछ ।
यसमा
समय समयमा विभिन्न नयाँ फिचरका साथ अपडेट हुने यो एपले उत्कृष्ट एन्ड्रोएड वेयर
सपोर्ट समेत प्रदान गर्ने गर्दछ । यो एप विभिन्न स्मार्टफोनहरुमा विल्ट इन एपको
रुपमा समावेश गरिनाले कुनै थर्ड पार्टी एप र अन्य एप इन्सटल गरेर स्पेस खर्चनु
पर्ने छैन । यसका अन्य एपहरुको तुलनामा यो एप निशुल्क समेत रहेको छ ।
जि टास्क (GTasks)
जि
टास्क एक लोकप्रिय एवम् एकदमै मनपराइएको टू डू लिस्ट एप हो जसको फ्रि र पेड गरि
दुइ संस्करण रहेको छ । फ्रि संस्करणमा समेत उत्कृष्ट फिचरहरु जस्तै विजेट, भ्वाइसको प्रयोग गरेर क्विक एडिङ्ग हुनुका साथै गुगल
टास्कसँग सिङ्क्रोनाइज समेत गर्न सकिन्छ ।
यसका
साथै यसको प्रो संस्करणमा ब्याच टास्क एड,
प्याटर्न लक र थेम समेत
परिवर्तन गर्न सकिनेछ । यसका साथसाथै तपाइले आँफूले चाहेको खण्डमा गुगल नाउमा
टाक्सहरु समेत थप्न सक्नुहुनेछ । सरल र प्रभावकारी एपहरुको खोजिमा यदी तपाई
हुनुहुन्छ भने जि टास्क एक उत्कृष्ट रोजाइ बन्न सक्छ ।
टिक टिक (Tick Tick)
टुडू
लिस्ट एपको भिडमा टिकटिक पनि अर्को एउटा सरल,सहज एवम उत्कृष्ट टू डू लिस्ट एपको रुपमा
आँफूलाई उभ्याएको छ । यस एपमा टू डू लिस्टको आधारभुत फिचर हुनुका साथै क्लाउट
सिङ्कको पनि फिचर रहेको छ जसले गर्दा आफ्नो टास्कको बारे जानकारी अन्य विभिन्न
डिभाइसहरु प्रयोग गरेर समेत गर्न सकिन्छ ।
यसमा
समावेश गरिएको ट्याग सिस्टमले आफ्ना आवश्यक,
न्यून आवश्यक र अत्यावश्यक
टास्कलाई प्राथमिकताका आधारमा छुट्याउन सकिनेछ । साथसाथै यो एपको आफ्नै विजेट
प्रयोग गरेर थप सहज र सरल रुपमा प्रयोग गर्न सकिनेछ । यस एपको प्रो संस्करण थप
परिष्कृत र अत्याधुनिक रहेको छ ।
यसको पनि फ्री र पेइड गरी दुइवटा भर्जन रहेका छन्, प्रो भर्जनमा टास्क म्यानेजमेन्ट,
कोलाब्रेसन सपोर्ट र अन्य
फिचरहरुको परिष्कृत रुप समावेश गरिएको छ । प्रो भर्जनलाइ $5.11 डलर पर्दछ ।
टु डु लिस्ट (To Do List)
टु
डु लिस्ट एप अर्को उत्कृष्ट एप हो । यस एपका विकासकर्ताले यो एपको नामाकरणमा खासै
धेरै मेहेनत नगरेतापनि यो एप असाध्यै राम्रो रहेको छ । यसमा सबै आधारभूत टू डू
फिचर र आफ्नो लिस्टमा रहेको कार्य गर्नका लागि सम्झाउनका रिमाइन्डर समेत
समावेस गरिएको छ ।
यसको
इन्टरफेस उन्डरलीस्टसँग मिल्जो जुल्दो रहेपनि यो खासै नराम्रो भने होइन । चलाउन
एक्दमै सहज रहेको यो एपमा विभिन्न फिचरहरु समावेश गरिएका छन जसमध्ये भ्वाइस
कमाण्डबाट टास्क थप्नु , विजेट र अन्य फिचर समावेश गरिएको छ ।
उन्डरलिस्ट (Wunderlist)
टु
डू लिस्ट एपको क्षेत्रमा सबैभन्दा चर्चित रहेको एप हो उन्डरलिस्ट । यो एप
माइक्रोसफ्टले २०१३ मा खरिद गरेको हो । यसमा अन्य एपहरुमा रहेका फिचरहरु हुनुका
साथै क्रस प्लाटफर्म सपोर्ट,
एट्याचमेन्ट अप्सन
कोलाबोरेसन फिचर र फोल्डर फिचर समावेश गरिएको छ ।
यी
फिचरहरुको साहयताले आफ्नो टू डू लिस्ट ब्यवस्थापन गर्नमा विषेश भूमिका खेल्ने
गर्दछ । यसका अलावा यसमा मेटेरियल डिजाइनको प्रयोग गरिएको छ जसलाई एक्दमै रुचाइएको
हो । यो एप चलाउनलाई सरल,
सहज हुनुका साथै यस एप अन्य
एपको तुलनामा शक्तिशाली समेत रहेको छ ।
