OnePlus 5T एक उत्कृष्ट बजेट फोन

सन् २०१३  डिसेम्बर १६, मा स्थापना भएको OnePlus ले यति छोटो समयमा विश्व बजारमा आफुलाई  अहिलेको स्थानमा स्थापित गर्छ भनेर सायदै कसैले सोचेका थिए होलान् । तर पिट लाओ (जसले ओप्पो छोडेर आएका थिए) र कार्ल पे मिलेर स्थापना गरेको OnePlus ले ४-५ वर्षको अन्तरालमा नै विश्व बजारमा आफ्नो बलियो उपस्थिति जनाएको छ । स्यामसुङ,एप्पल जस्ता ब्राण्डहरुलाइ पनि अहिले यसले कडा टक्कर दिइरहेको छ । स्मार्टफोन बजारमा ठुलो तहल्का मच्चाइरहेको यो कंपनीले बर्षैपिच्छे आफ्ना नयाँ – नयाँ मोडेलका फोन सार्वजनिक गर्दै आएको छ । अप्रिल २३-२०१४, मा कंपनीले आफ्नो पहिलो फोन OnePlus सार्वजनिक गरेको थियो । उस्तै फिचर्स तर त्यो भन्दा आधा मूल्यमा फोन उपलब्ध गराउने भएकोले OnePlus को बजार यति छोटो समयमा नै विस्तार भएको हो । Samsung,Apple,Gionee,Oppo, Huawei, Sony, Apple जस्ता कंपनीहरुले बजारमा एकछत्र  राज गरिरहेका बेला OnePlus विश्व बजारमा आएको थियो ।

फोन लन्च भैसकेपछि अनलाईनबाट युजरहरुको फिडब्याक लिने र अर्को मोडेलमा ति फिडब्याकहरुको समाधानको रुपमा परिस्कृत र सुधार गरेर नयाँ मोडेल लन्च गर्ने भएकाले पनि OnePlus ले राम्रो बजार पाइरहेको छ ।

जस्तोः अरु कंपनीहरु Samsung ले Galaxy s8 र S8⁺ एकैचोटि लन्च गर्यो । मूल्यमा पनि केहि तलमाथि हुन्छ, पछिल्लो भर्जनको मूल्य केहि महंगो नै हुने गरेको छ । र  S8 भन्दा स्वत S8⁺ को माग बढ्दछ, र युजर्सहरुमा पनि S8⁺ आइसकेको अवस्थामा S8 लिन आफ्नो इच्छासँग सम्झौता गर्नुपर्ने हुन्छ, र प्राय पछिल्लो भर्जन नै बढी खपत हुन्छ । (Apple को हकमा पनि त्यही नै हो जस्तोः 7,7⁺ र 8,8⁺)

तर OnePlus भने यो विषयमा अरु कंपनीहरुभन्दा गंभीर देखिन्छ । अहिलेसम्म कंपनीले पहिलो भर्जन युजर्ससामु पुर्याइसकेपछि त्यसमा भएका कमीकमजोरी माथि फिडब्याक संकलन गराइ केहि समयपछि लगभग त्यति नै मुल्यमा अर्को मोडेल उपलब्ध गराइन्छ । जस्तोः OnePlus 3 लन्च भएको केहि समयपछि कंपनीले OnePlus 3T ल्याएको थियो भने अहिले पनि OnePlus 5 लन्च भएको ४ महिनाभित्रै यसमा भएका केहि कमीकमजोरीहरुलाइ सुधार गरेर OnePlus 5T ल्याएर आएको छ । आज हामी यही OnePlus 5T को बारेमा बताउन गइरहेका छौँ ।

१ डिस्प्ले

फोनमा ६ इन्चको फुल Optic AMOLED डिस्प्ले स्क्रिन रहेको छ ।

२ प्रोसेसर

 अहिले चलिरहेको लेटेस्ट क्वालकमको स्न्यापड्रगन ८३५ प्रयोग गरिएको छ ।

३ स्टोरेज

फोन दुइवटा भेरियन्टमा उपलब्ध हुनेछ । एक ६ जिबि र्याम र ६४ जिबि इन्टरनल मेमोरी अर्को ८ जिबि र्याम र १२८ जिबि इन्टरनल स्टोरेज क्षमताको साथमा ।

४ क्यामरा

वनप्लस फाइभ भन्दा फाइभ टि मा क्यामरालाई धेरै परिस्कृत गरिएको छ । दुइवटा रियर क्यामरामा एउटा १६ MP र अर्को २० MP, फ्रन्ट क्यामरा भने १६MP को रहेको छ ।

५ ब्याट्रि

फोनमा कम एमएएचको ब्याट्रि भएता पनि यसले डास चार्ज सपोर्ट गर्दछ । जुन कि आधा घण्टामा नै फोन  ५० प्रतिशत भन्दा बढी चार्ज हुन्छ ।

६ अपरेटिङ सिस्टम ।

एन्ड्रोइडको नुगाट 7.1.1 रहेको छ, तर यसलाइ छिट्टै एन्ड्रोइडको लेटेस्ट ओरियोमा अपग्रेड गराउने भनिएको छ ।

फोनमा डुअल नानो सिम प्रयोग गर्न मिल्छ भने External SD कार्ड प्रयोग गर्न मिल्दैन् ।

OnePlus 5T को Full Specification भिडियो हेर्नको लागि तलको लिंकमा क्लिक गर्नुहोला ।
OnePlus 5T full review in Nepali